МАКЕДОНСКИТЕ РАКОМЕТАРИ - ПЕТА ЕВРОПСКА СИЛА ВО ЕВРОПА!

Денес, во просториите на Македонскиот олимписки комитет се одржа прием по повод освоеното 5-то место на Европското првенство во Србија, најголемиот успех на Ракометната репрезентација на Македонија.

Претседателот на Македонскиот олимписки комитет, Д-р Васил Тупурковски, поздравувајќи ги ракометарите и стручниот штаб, истакна дека ова е историски момент за македонскиот ракомет и воопшто за македонскиот спорт и со исклучителна гордост и огромно задоволство им посака на нашите ракометари на претстојниот квалификациски олимписки турнир во Шведска, да изборат учество на еден екипен спорт од Македонија на Олимписките игри во Лондон.