Нашите најдобри боксери на подготовки во Охрид!

Боксерската федерација на Македонија, испрати барање за финансиска помош до МОК, нашите најдобри боксери Примислав Димовски и Вели Мумин, под водство на својот тренер Руждија Калач, во следните две недели, во Охрид, да ги започнат своите базични подготовки кои треба да им обезбедат многу подобри резултати во предолимписката 2011 година. Македонскиот олимписки комитет, на почетокот на оваа година обезбеди најнапред две неделни подготовки во Милано (Италија) за Примислав Димовски, потоа тој и Вели Мумин беа на мини подготовки во Истанбул (Турција), а сега МОК го одобри барањето на Боксерската федерација и целосно финансиски ќе ги покрие базичните подготовки за нашите најдобри боксери, потенцијални кандидати за ЛОИ ЛОНДОН 2012. Веруваме дека Примислав и Вели ќе ги искористат овие подготовки и веќе оваа година ќе обезбедат норма за учество на ЛОИ ЛОНДОН 2012.