МОК и УТМС во заедничка акција за обезбедување на стипендија за до-едукација на македонските спортисти

МОК и УТМС во заедничка акција за обезбедување на стипендија за
до-едукација на македонските спортисти

Заедничка грижа за “кариерата после кариера“ на најдобрите македонски спортисти

На, 13.11.2010 година беше потпишан Договор за соработка меѓу Македонскиот олимписки комитет и Универзитетот за туризам и менаџмент во Скопје, прв од ваков вид кој едноставно најдобрите институции во Македонија го договорија во насока на обезбедување на посветла и посигурна иднина на македонските спортисти.

Договорот за соработка го потпишаа, Претседателот на МОК, проф. д-р Васил Тупурковски и Ректорот на Универзитетот за туризам и менаџмент во Скопје, проф. д-р Аце Миленковски кои и ги врачија првите индекси на после дипломските студии на Олимписките стипендисти Примислав Димовски, Стојан Поповски и Атанас Николовски.

             
Македонскиот олимписки комитет со овој договор ја исполнува својата обврска да се грижи за едукацијата и иднината на спортистите следејќи го светскиот пример за нивната “кариера после кариера“. За Универзитетот за туризам и менаџмент во Скопје, потпишувањето на овој Договор претставува можност за давање значаен придонес за развојот на едукацијата на врвните спортисти од Република Македонија.

Едноставно најдобрите со навистина најдобрите!

Ректорот на Универзитетот за туризам и менаџмент во Скопје,
проф. д-р Аце Миленковски му врачува индекс на Aтанас Николовски

Ректорот на Универзитетот за туризам и менаџмент во Скопје,
проф. д-р Аце Миленковски му врачува индекс на Стојан Поповски

Претседателот на МОК, проф.д-р Васил Тупурковски му честита на Примислав Димовски за запишувањето на последипломските студии на Универзитетот за туризам и менаџмент во Скопје


По тој повод нашиот најдобар боксер, Примислав Димовски, изјави: “Ја изразувам својата среќа од шансата која двете најдобри институции во областа на спортот и едукацијата во Македонија, Македонскиот олимписки комитет и Универзитетот за туризам и менаџмент во Скопје ми ја обезбедија во насока на надградба на своето образование и со овој голем гест очекувам многу подобра и посигурна кариера по завршетокот на мојата спортска кариера“.

Главна цел на овој Договор е остварување на главниот интерес на овие две институции кој се состои во поддржување и унапредување на спортот во Република Македонија како и заемна промоција, афирмација и соработка на Македонскиот олимписки комитет и Универзитетот за туризам и менаџмент во Скопје, пред се во интерес на спортот и спортистите од Република Македонија.