Премиерно прикажан документарецот за Димитар Илиевски – Мурато

Во рамките на проектот Мали олимписки игри, во продукција на Македонскиот олимписки комитет, премиерно се одржа прикажување на документарниот филм на МОК, за олимпискиот великан и македонската алпинистичка легенда, Димитар Илиевски – Мурато. Градоначалникот на општина Кисела вода, г-дин Марјан Ѓорчев и Генералниот секретар на Македонскиот олимписки комитет, д-р Сашо Поповски, во својот говор истакнаа дека се среќни што премиерната промоција на овој филм, авторски потпишан од Златко Калински, беше токму во Општина Кисела Вода, во која се реализира проектот Мали олимписки игри и дека учениците и граѓаните на Кисела Вода, но и од цела Македонија ќе можат да го погледанат овој филм и да се запознаат со човечките и олимписките вредности на Диме Илиевски – Мурато. Голема благодарност до Македонскиот олимписки комитет и Општина Кисела Вода изрази и Јован Попоски, водачот на Македонската Хималјска експедиција, кој по проекцијата изјави дека документарниот филм дава одлична слика, пред сè за тоа каков грандиозен спортист бил Мурато, но и за тоа што се случи во 1989 година на Еверест.