Поповски на усовршување во САД

АМЕРИКАНСКИ ТРЕНЕРИ ЗА МАКЕДОНСКИТЕ СПОРТИСТИ

Македонскиот олимписки комитет, за нашиот најдобар триатлонец и олимписки стипендист, Стојан Поповски, покрај тоа што обезбеди 60 дневни подготовки во олимписката база на најдобрите американски триатлонци, Колорадо Спрингс, договори и еден од најдобрите американски триатлон тренери, Карл Трикен, да го подготвува нашиот олимписки кандидат. Карл Трикен покрај тоа што е специјалист на Американскиот олимписки комитет за подобрување на спортските перформанси, тој е и специјалист тренер на Американската велосипедска федерација, тренер на Американската пливачка федерација и помошник тренер на Американската атлетска федерација. И покрај тоа што Стојан Поповски ќе престојува во САД до 12 Мај, Македонскиот олимписки комитет се договори со Американскиот олимписки комитет и со тренерот, Карл Трикен, нивната соработка да продолжи до Олимписките игри во Лондон 2012. Ова значи дека во наредните 500 дена, Стојан ќе работи според програмата и планот на овој голем американски триатлон експерт.