МОК обезбеди нов квалитетен тренер
МИРКОВИЌ СО ЛИЦЕНЦА НА ИОК

Во седиштето на ИОК, во Лозана, Зоран Мирковиќ, кој Македонскиот олимписки комитет минатата година го испрати на двомесечна обука во САД, со одличен успех го одбрани својот труд "Изработка на долгорочен тренинг план за развојот на Таеквондото во Македонија". Тој, својот труд го одбрани пред комисија во која беа г-динот Драгомир Циорослан, Директор за меѓународни стратегии и развој на Американскиот олимписки комитет, д-р Џеф Шнајдер, Шефот на одделението за Кинезиологија и применета физиологија на Универзитетот во Делавер, г-дин Бил Томпсон од Меѓународната Таеквондо Федерација и проф. Мајкл Вилијамс, координатор за спорт на Хавард Јавниот училишен систем. Во тренажниот процес креиран од Зоран Мирковиќ, сеопфатно се елаборирани тренажните процеси за пионери, јуниори, младинци и сениори, а посебно внимание е посветено на периодот по завршување на кариерата.

Претседателот на Таеквондо федерацијата на Македонија, г-динот Ацо Анастасов е убеден дека со оваа голема помош добиена од МОК, таеквондото во Македонија ќе добие силен импулс за квалитетен и оддржлив развој и дека оваа помош ќе се почуствува за многу кратко време. Таеквондото е релативно нов спорт на програмата на ОИ и статусот на олимписки спорт го добива од 2000 година, на ОИ во Сиднеј.