ГОЛЕМО ПРИЗНАНИЕ ЗА МОК И ЗА ТУПУРКОВСКИ

Претседателот на МОК ќе ја предводи делегацијата на Светската Асоцијација на националните олимписки комитети (ANOC - Association of National Olympic Committees) на конференцијата со која ќе претседава Претседателот на ИОК, г-динот Жак Рог.

Во канцеларијата на Македонскиот олимписки комитет, пристигна големо признание од Интернационалниот олимписки комитет. Имено, на 11 и 12 февруари претседателот на Македонскиот олимписки комитет, д-р Васил Тупурковски, како претставник на АНОК ќе присуствува на работен состанок во седиштето на ИОК во Лозана. Со состанокот, кој ќе биде на тема “Автономноста на националните олимписки комитети, на спортското и на олимпиското движење”, ќе претседава претседателот на Интернационалниот олимписки комитет Жак Рог.
Меѓу бројните учесници, ќе бидат и почесниот претседател на ИОК Хуан Антонио Самаранч, потпретседателите на ИОК, г-динот Томас Бах и г-ѓа Гунила Линдберг, неколку почесни членови на ИОК како и претседателите на неколку меѓународни спортски федерации.