Водечкиот светски експерт за развој на тренинг на сила и издржливост во Македонија
НОВО УНАПРЕДУВАЊЕ НА СТРУЧНИОТ КАДАР ВО МАКЕДОНИЈА

Македонскиот олимписки комитет (МОК) ги информира националните спортски федерации, спортските клубови, тренерите и експертите за развој на специфичната издржливост и физичка подготовка дека во периодот од 17 до 21 мај 2012 година, како резултат на одличната соработка на МОК со Владата на Сојузна Република Германија, Амбасадата на Сојузна Република Германија во Скопје и пред сѐ со Германскиот олимписки комитет (ДОСБ), стручен семинар ќе одржи проф. д-р Дитмар Шмидблајхер.

Проф. д-р Дитмар Шмидблајхер е извршен директор на Институтот за спортски науки на универзитетот „Франкфурт“ и негова специјалност се темите како развој на сила на издржливост, невро и мускулна адаптација, дијагностицирање и регулација на тренинг, развој на мерни уреди и слично. Тој има развиено многу методи на тренинг за постигнување врвни спортски резултати, но и за рехабилитација по повреда користејќи стохастична резонанца. Д-р Шмидблајхер е над 12 години претседател на бордот на директори на Институт за спортски науки на Сојузна Република Германија, почесен претседател на Европското интердисциплинарно друштво за клинички и спортски апликации и уредник на 8 (осум) национални и меѓународни стручни новини. Тој има објавено повеќе од 400 научни истражувања и трудови и е еден од водечките светски експерти за развој на тренинг на сила и издржливост за врвни спортисти, а нивната практична примена придонесе, долго време, германските спортисти да постигнуваат врвни светски спортски резултати.

Овде може да ја превземете презентацијата !

МОК ја користи оваа пригода да им се заблагодари на Владата на Сојузна Република Германија, Амбасадата на Сојузна Република Германија во Скопје и пред сѐ на Германскиот олимписки комитет (ДОСБ) за досегашната одлична соработка и во исто време да изрази огромно задоволство што таа ќе трае и во следните четири години.

Семинарот ќе биде одржан во просториите на Универзитетот за туризам и менаџмент во Скопје. Пријавувањето ќе се врши преку имејлот mok@mok.org.mk и на факс број 02/3116068.

Агенда на семинарот: